Presidenti i dytë i Shteteve të Bashkuara, John Adams, ka qenë një njeri i mësuar, i ndershëm dhe i mënçur. Ai u shqua më shumë si fillozof politike se sa si politikan. "Njerëzit dhe shtetet janë të përfshirë nga flakët e kundërshtimit" - pat thënë ai, me siguri, duke menduar për eksperiëncën e jetuar nga ai vetë dhe Amerika.

Adams lindi në Massachusetts Bay Colony në vitin 1735. Studjoi drejtësinë në Harward University dhe shumë shpejt u bashkua me çështjen patriotike. U zgjodh delegat në Kongresin e Parë dhe të Dytë Kontinental dhe u bë një nga udheheqësit në luftën për pavarësi. Ishte Adams ai që e propozoi Washingtonin për president dhe nguli këmbë që Thomas Jeffersoni të hartonte Deklaratën e Pavarësisë, për pranimin e të cilës luftoi pastaj me shumë këmbëngulje.

Gjate Luftës Revolucionare shërbeu ne Francë dhe Hollandë si diplomat dhe ndihmoi për të nënshkruar traktatin e paqes. Nga viti 1785 deri në 1788 ishte ministër në Oborrin e St. James dhe kur u kthye prej andej u zgjodh nënpresident nën George Washingtonin.

Ai u zgjodh dy herë si nënpresident dhe pësoi mjaft zhgënjim gjatë ushtrimit të kësaj detyre. Duke qenë një njeri me një intelekt të fuqishëm dhe sqimatar, një herë ai iu ankua së shoqes: "Vendi im me mençurinë e tij ka shpikur për mua detyrën më të parëndësishme që mund të shpikë apo mund të imagjinojë një njeri".

Kur Adams u bë president, lufta midis Anglisë dhe Francës po u shkaktonte vështirësi të mëdha Shteteve të Bashkuara në det dhe brenda vendit, për shkak se disa ishin përkrahës të Anglisë, ndërsa të tjerë të Francës. Adamsi arriti që ta mbante vendin e tij jashtë kësaj lufte. Adams anonte nga Franca, ku dërgoi edhe një mision per të nënshkruar paqe. Kjo bëri që Adams të mos rizgjidhej. Në postin e presidëntit u zgjodh miku i tij Jefferson.

Më 1 nëndor 1800, pikërisht para se të bëheshin zgjedhjet, Adams arriti në Kryeqytetin e ri për të vendosur rezidencën e tij në Shtëpinë e Bardhë (White House). Natën e dytë, duke banuar në dhomat plot lagështi e të parregulluara ende mirë, ai i shkruante së shoqes: "Para se ta përfundoj letrën, unë i lutem Qiellit që të dërgojë Bekimet më të mira për këtë Shtëpi dhe për të gjithë ata që do të banojnë tani e tutje këtu. Uroj që vetëm njerëzit e ndershëm dhe të mençur të qëverisin nën këtë çati".

Adams u tërhoq për të jetuar në fermën e tij, në Quincy. Këtu ai shkruajti letrat e tij të famshme drejtuar Thomas Jeffersonit. Këtu, më 4 korrik 1826, ai pëshpëriti fjalët e tij të fundit: "Thomas Jeffersoni jeton akoma". Por Jeffersoni pat vdekur disa orë më parë në Monticello.

Back to Top